1. |
ƆKWANTUNI
03:00
|
|||
Hmmm….Ɔkwantuni, menkɔeɛ mu na me mmaeyɛ mu
Hmmm….Ɔkwantuni, m’adidiyɛ mu na me nnaeyɛ mu
Hmmm….Ɔkwantuni, menhunu hwee, menam kwaeɛ mu
Baabi a me mogya firi yɛfrɛ hɔ Ohianimguase
Baabi a meekɔ yɛfrɛ hɔ Ohianimguase
Tie no yie..
Baabi a me firi yɛfrɛ hɔ Ohia yɛ animguaseɛ
Baabi a meekɔ yɛfrɛ hɔ Ohia anim agu ase
Baabi a mefiri, yɛfiri na yɛadidi
Baabi a meekɔ, yɛdidi free
Baabi a me kraa firi yɛfrɛ hɔ Nkwantakɛse
Wo duru yɛnkwanta so a kuro a ɛdi kan yɛfrɛ no Akɔm
Enti menim sɛ sɛ mefa Akɔm a, Nana Owusu Afriyie, mɛduru fie.
Boa me na yɛnkɔm na ɛnkyɛ, AKƆM bɛkum yɛyam kɔm
Ɛyɛ nkɔmhyɛ.
|
||||
2. |
ANANSESƐM
04:56
|
|||
Na ɛɛkɔ na ɛreba
Na ɛɛkɔ, na ɛreba
CHORUS
Meebɛto mo anansesɛm bi
Anansesɛm a ɛmfa ananse ho
Mo ma me nto mo anansesɛm ni
Anansesɛm wei yɛ me a’a m’asɛm
VERSE 1
ɛberɛ a mehyɛɛ nwom aseɛ no na mekae sɛ
ayɛ yie awie enti anyɛ koraa no kaa deɛ
akyɛ a’a mfeɛ mmeɛnsa akyi mɛgye me deɛ
mfeɛ du-nkron ni bisa me sɛ adɛn
(adɛn?)
Me maa mmaa bebree bebaa m’akwanmu ma
Na mennya twaberɛ na m’ayɛ adwuma
Wɔsosɔɔ meso sɛ asoroboa kɔɔ soro
Saa na ɔboa, ɔɔboa ama m’atoro
Mese m’asoro nanso wei deɛ ɛboro so
M’ayɛ sonsono;
Susuane atwi afa me so
Nka mensonsɔn meho na m’ani nkɔ menwom ho
ɔdɔ nkɔnsɔnkɔnsɔn sɔɔ mekɔn
ayɔnkoɔ a na me ne ɔmo rekɔ twaa me bɔɔe
ɔbɔɔ meho pɔ
kɔ kɔtɔɔ nea medɔ
ɛyɛɛ me dambɔ maa mehyɛɛ meho bɔ
sɛ ɔkɔtɔ o, nyenyankyerɛ o, ɔnkɔ
wei nyinaa akyi,
sɛ mekyim a na ɛɛkɔ n’akyi
kyenkyenaa a na ɛsɛ sɛ ɔkyena meyɛ yie nti
mebirekyii sɛ mɛkyere kɔm akɔ aburokyi’
apɔnkye, m’anya nkyene,
m’annhwɛ m’akyi
m’ani tee, na mesan kɔ me tete no a
na meboro a ntentan koraa te me hwe
ansana me ne anwensɛm ɛɛbɛsan
ama m’ahu m’akwantuo
na m’ahu me kwan
CHORUS
Meebɛto mo anansesɛm bi
Anansesɛm a ɛmfa ananse ho
Mo ma me nto mo anansesɛm ni
Anansesɛm wei yɛ me a’a m’asɛm
VERSE 2
Ɛmmerɛ bi ….Kwame Wusu
Na M’asu ama me sumiiɛ mpo bo afu
Ɔse anadwodasuomu biara mede nisuo fɔ no
Nanso adeɛ kye me nhata no
Ɛna mekyerɛkyerɛɛ no mu
Sɛ ɛnyɛ deɛ ɔbɔfoɔ hunu no wuramu nyinaa na ɔbɛka
Me nsi me ntomago wɔ piemu ɛmfa mmɛsɛne abɔntene
Na nea ɔɔsene, sɛsɛɛ ne dadwene mpo sene me…
Woammɛ si me atwetwe
Ɛtɔ da mpo a na akɔyɛ twe ma me ntwe… me ne
Meho…
Meho se w’abrɛ. … me se ɛyɛ aboterɛ
Ɔse yɛn ntwɛn nkɔsi dabɛn?
Me se yɛnnom nsuo ntwɛn ɔpɛ
Ɛyɛ Nyame pɛ a, nneɛma bɛyɛ pɛpɛɛpɛ
Sɛ woyɛ abɔfra a
Ɛyɛ wo sɛ abrabɔ yɛ tteee
Wootentene ne bɛtene tentene ayɛ pɛ
Afutusɛm yɛ wo hurodohuradasɛm
Wo bɛyɛ abɛmaa pɛ
Na woani so ɛyɛ a tewo tɛ
Wonni deɛ wokɔn dɔ
Afei deɛ woosam w’anim fifire ansa na wonsa akɔ
W’ano
Ɛnni gyina,
Na woayɛ agya
Yɛde fie agya wo
Woobɛyi akɔnhoma asan atɔ ayie ntoma
Ntensere, sɛ woannyere woho
Obiara bɛsene wo
Wo mma bɛyere wo
Wo yere bɛteetee wo
|
||||
3. |
DABIDABI
04:24
|
|||
dabidabi na mɛka m'asɛm, kwame
ɛhɔ na wobɛte aseɛ, kwame
dabidabi na mɛbɔ m'amaneɛ, kwabena
ɛhɔ na wobɛhunu m'asɛm, kwabena ei
ebia na menni hɔ,
ebia na mewɔ akyirikyiri
mohwehwɛ me a monnya me o, kwame
ebia na menni hɔ
ebia na mewɔ dohoaa
mofrɛ me mpo a monnya me o, kwabena
KB
asɛm a ɛda me soɔ
a meeka a adɔfoɔ se mentwa so'ɔ
ɔpaso a meepa nwoma soɔ
nka abusua mfasoɔ
nansoso adane mpoabɔ
meebɔ m'amaneɛ akyerɛ hwan ni?
kwabena, ka m'asɛm yi bi ma me'ɛ
PA
nsɛm no deɛ ɛdɔɔso
nanso ɛnyɛ nsɛm nyinaa na ɛyɛ nsɛm
kwame, w'asɛm yi deɛ ama me abɔ birim
na ama m'akoma ate asensɛn
me deɛ, ɛnyɛ me nwanwa
esiane sɛ abusua pɛ dɔm
abusua korɔ yi a'a nso ɛkyiri kɔm
**mmɔguo
KB
me deɛ na mese meeforo ɔdupɔn
na m'ate nnuaba no dodoɔ
de akum abusua yam kɔm
ɛno na ato me ne akɔm.
yɛse woforo duapa a wonya boafoɔ
m'annya piafoɔ na meepia me ho'ɔ
na abusua adane nhohoɔ
na ɔwe me
kwame, me a'a me fie, m'adane ɔhɔhoɔ
PA
kwame, w'asɛm yi deɛ akɔyɛ asɛmsɛbɛ
me deɛ mente aseɛ
me deɛ menhu so
barima, kyerɛkyerɛ me mu, kyerɛkyerɛ me mu yie
na barima ba, me nsoso mente aseɛ
ɛne sɛn, ɛne sɛn
onua, ɛkɔbaa no sɛn...
obi abranteɛ a m'asi so a mebɔ meho mmɔden wɔ sukuu
afei akɔm afa me wɔ aberɛ a m'annfa bodua
menan bobɔ fam
m'atwa mpɛsɛmpɛsɛ
obia'a se deɛ meeyɛ no deɛ ɔmpɛ
obiaa mpɛ sɛ mɛyɛ saa
nanso me nnwom, me nnwom no deɛ, yɛse ɛɛdɛ
na ɛno nti adane amunamuna
hmm... kwabena,
na sɛ meeka a, na sɛ meeka a, ɛbɛyɛ adane akotia
nanso ɛnyɛ akotia
asɛm a ato me na meebɔ no amaneɛ
sɛ deɛ deɛ ɔretwam nso bɛfa mu aba
de abɔ bra
PA
aba deɛ ɛyɛ (mhm)
nanso aba pa na yɛpɛ (nokorɛ)
enti woregu aba fua fua ama no afifiri daakye nti
ɛwɔ sɛ wohyɛ wo sapɔ mu nsuo
na nom akokoduro
ma w'akoma nyere potii (m'ate)
na wonam a pagya wotie (m'ate)
na ɛnyɛ nnipa nyinaa na ɛdɔ wo nti
na ama wo deɛ akɔyɛ nsɛm pii
(m'ate, na m'ate aseɛ nso... MHMMM)
|
||||
4. |
BOBO
04:18
|
|||
mhmmm
kwame brɛnya
ɔbra akwantuo de me kɔpuee senegal
abosome nwɔtwe wɔ kuropɔn dakar yafunu mu
afei na asetena no afono me
dabiaa "cherp cherp"-
ɛmo yi, na adɔ me
wollof kasa no a
me tɛkrɛma ntumi
french no nsoso a mente no papa bi
"un peur, un peur", nketenkete
kuntunu, na ɛsɛ sɛ mehwan na meba menkyi
na deɛ ɛtoo me wɔ kwan so
na m'ayɛ no nsadwase nnwom yi
MMƆGUO (Kpodo & KO)
mefiri dakar
meretwamu burkina
akɔ akɔtena me ghana.
m'abɛduru bobo, bobo dioullaso
meho sika nyinaa asa
ato me ne abooboo
meepɛ kwan akɔ mekrom
nanso meeyɛ aka bobo
meepɛ kwan akɔ mekrom
nanso mereyɛ aka bobo
bo bo bo...bobo
nso meeyɛ aka bobo
KB
meepɛ ntɛm aba fie abɛdi banku nti
metwaa me straight ticket, dakar to kejetia
me nsi baabiaa, m'ada
kwasiada anɔpa na yɛ'bus a'land wɔ burkina faso asaase so; bobo dioulasso
merepɛ kwan akɔ mekrom
nanso mereyɛ aka bobo
merepɛ kwan akɔ mekrom
nanso mereyɛ aka bobo
bo bo bo...bobo
nso meeyɛ aka bobo
KB
afei adeɛ kyeeyɛ na yɛnkɔka ma akwantufoɔ nte a,
"yɛɛto aba ha ɛno nti ɛhyɛn ntwa mu, gyesɛ mo da"
mese "whaaat"
ɛha nsoso woka what a wonkaa hwee
ɔhene, merefa he sene?
aniwa a ɛnnim awerɛhoɔ pɛɛ apata bi ase daae soo ahafo daeɛ
dwoada mfa ɔdwoɔ mra a mehyɛn a mede baae se woohu me hene, foro me sɛn, dwodwo woho dekɔ nana ɔsɛe kurom?
ligli no nso kakra a ɔdɔfoɔ de domm me,
meyii kaa sika
mede deɛ aka agyegye m'ayɔnkofoɔ a wɔwɔ hɔ ani;
agya "last show"
afei na m'ahunu sɛ m'ayɛ line fo
onua, wootu kwan a fa kakra to woho
afei deɛ meredi mennya
na mekɔfa CFA wɔ he,
detɔ aduane ma me telefone,
defrɛ adɔfoɔ?
ɛkɔm retwe me
sukɔm nso retwe me
adeɛ sa nsoso a na anikum abɛsra me
sɛ ɔsrɛ me me mpɛ baabi mma no nna
dabrɛ nso mennya
na ani yɛ nyan
medii nna nan
4 days in faso
kwan a mefaa so baae deɛ,
afeda yɛbɛtoa so
bobo dioulasso
MMƆGUO (Kpodo & KO)
mefiri dakar
meretwam burkina
akɔ akɔtena me ghana.
m'abɛduru bobo, bobo dioulasso
meho sika nyinaa asa
ato me ne abooboo
meepɛ kwan akɔ mekrom
nanso meeyɛ aka bobo
meepɛ kwan akɔ mekrom
nanso meeyɛ aka bobo
bo bo bo...bobo
nso meeyɛ aka bobo
|
||||
5. |
DAKAR
06:00
|
|||
Dakar
Accra to Dakar
welcome to Dakar
wo da a wobɛka
(2x)
KB
ɔbra akwantuo de me kɔpuee Dakar, Senegal kuropɔn mu
na mekɔsoeɛɛ ɔpanin bi so ɛwɔ Grand Yoff
mekɔduruuyɛ ara pɛ, Kwasiada anɔpa, na ɔde ɛhɔ asɛm bɔɔ me
sɛ kuro a m'aba so yi
ne din ne nehonam sɛ
"yɛfrɛ ha Da-ka-r; sɛ woda a, wobɛka"
m'annte aseɛ enti na meesere
**mmɔguo**
KB
owura no pɛɛ baabi maa me daae
m'ani teeyɛ na ɛsɛ sɛ medidi
ɛna ɔkyerɛɛ me sɛ "oh Ghanafoɔ bi yɛ aduane wɔ ha. yɛnkɔ na kɔsa nkwan"
Ahafoni, mɛyɛ no deɛn..
menkɔpɛ bi nni, anaa sɛ banku nso a
afei yɛkɔduruu bea a yɛdidi no
sɛɛ na Ghanafoɔ pii wɔ kurom hɔ, menua
wɔn a wɔabɛka hɔ mfeɛ num, mfeɛ du, ebi mfeɛ aduonu ne akyire
nwuma a yɛyɛ deɛ titire bɛn?
sɛbe nhwehwɛ,
ebi nso lotto yi a'a na yɛdi akyire
ebi nso nenam kuro no mu hɔ, agya, yɛaka
na ɛyɛ awerɛho sɛ
ɛno nti yɛreba fie, na merebisa papa no
sɛ enti Ghanafoɔ a yɛabɛka ha yi yɛnsan nkɔ fie?
ɛna ɔse "hwɛ, asɛm a ɛde wo baa ɛha no, ɛde bebree aba ha. na Dakar asɛm a mereka kyerɛ wo no, ɛno, ɛne no
sɛ woda a wobɛka
***mɔguo*** (KO)
woakra firi Accra
woafa kaa
woatwam wɔ Ouaga' Bamako
woaduru Senegal, Dakar
ɛha na worebɛda?
(2x)
KB
ɔbra ne mu atuɔtena nti mekɔdii baabi foforɔ, Dakar kuro mu hɔ a'a
na ɛrekeka kɔ afe na menyaa kakra wɔ meho
mese wei deɛ mɛkɔ grand yoff,
baabi a medii kan kɔsoɛɛ no,
na m'akɔdi Ghanafoɔ aduane kakra,
m'akɔsa nkwan
meduruu hɔ a'a pɛ, me ne owura yi anim ni, papa yi a mebɛsii ne so
n'anim tatrata!
ɔse "Ei, Kwame wo daso wɔ Dakar kuro mu ha?"
mese "agya aane"
ɔse mekakyerɛɛ wo na woosere
D A K A R
ɛhɔ na meete n'asɛm no ase
sɛ DAKAR: sɛ woda a, wobɛka
***mmɔguo***
Dakar
Accra to Dakar
welcome to Dakar
wo da a wobɛka
(4x)
KB
yei ma mehunu sɛ,
sɛ wotu kwan kɔsoɛ obi man so a
na ɛyɛ dwumadie bi nti na wokɔɔ hɔ a
yɛ no waanowaano na firi hɔ
na sɛ wokɔɔ no sikapɛ nsoso a
yere woho na yɛ adwumaden
na nya woho
na woatumi aba wo kuro mu
na wode kɔyɛ nna deɛ a, menua wo-bɛ-ka
woakra firi Accra
woafa kaa
woatwam wɔ Ouaga' Bamako
woaduru Senegal, Dakar
ɛha na worebɛda?
(2x)
Dakar
Accra to Dakar
welcome to Dakar
wo da a wobɛka
(2x)
|
||||
6. |
ANKONAM
04:05
|
|||
Me nko menam o me nko menam
Owuo ama m’ayɛ ankonam
Ankonam o ankonam
Owuo ama m’ayɛ ankonam
Me nko menam o me nko menam
Owuo ama m’ayɛ ankonam
Ankonam o ankonam
Owuo ama m’ayɛ ankonam
Mekɔhyia ntɔkwa a me nko me ko
Mekɔto nsuwa a me nko menom
Menya aduane a me nko medi
Me nko medi nso a me nko me fe
Mekɔhyia ntɔkwa a me nko me ko
Mekɔto nsuwa a me nko menom
Menya sika a me nko medi
Wo nko wodi nso a wo nko wo fe
Owuo de ɛdɔm kɔ asaase ase
Ama m’adɔfoɔ asa wɔ asaase yi so
Nea ɔte m’ase nte ase
Enti mete aseɛ sɛ deɛ meeyɛ no mo nte m’ase
Nea me ne no hyɛɛ ɔbra ase, kofi
Ntiamoa a adesua ama neti amoa, nkonta antumi anko, anku yareɛ
Anye kofi nkwa
Metwerɛɛ me rap, August 2000
Me ne me yɔnko Mallam, KOKUROMOTI
JSSfoɔ a kasahare agye yɛti
Yɛahyehyɛ nnwom bi AKWADAA BƆNE
Kick no gyina mu nti yɛpɛ hammer beat
Owuo nti yɛantumi anhyia Hammer Nti
ɛnyɛ sɛ me mpɛ nnipa, mepɛ agorɔ di
nanso mehunu basketball a na m’akae X G
Me nko menam o me nko menam
Owuo ama m’ayɛ ankonam
Ankonam o ankonam
Owuo ama m’ayɛ ankonam
Me nko menam o me nko menam
Owuo ama m’ayɛ ankonam
Ankonam o ankonam
Owuo ama m’ayɛ ankonam
Mekɔhyia ntɔkwa a me nko me ko
Mekɔto nsuwa a me nko menom
Menya aduane a me nko medi
Me nko medi nso a me nko me fe
Mekɔhyia ntɔkwa a me nko me ko
Mekɔto nsuwa a me nko menom
Menya sika a me nko medi
Wo nko wodi nso a wo nko wo fe
Kwame brenya
M’aba asaase so abɛnya abusua ne ayɔnkoɔ
Nanso owuo nti, m’ayɛ ankonam
Enti ɔbra akwantuo a meetu yi
Sɛ meesu o, sɛ meesere o, obi nnim
Me nsusuyɛ nyinaa hyɛ metirim
Mekosɛkosɛ hyɛ me koko
Enti sɛ ɔko no mu yɛ den a
Na mede me nsa apem me koko
Na m’akoma aka akyerɛ meho
sɛ BRƐNYA NE BARIMA
Maame ama wusuaa
Kwadaso kwaku brɛnya se woama no ayɛ ankonam
Naana agbozo
Peterkin the painter se woama nayɛ ankonam wɔ anloga petee mu
Kwame ɔsɛe mɛnsa emmanuel
Maame salomey
Nana yaamaa
Nana owusu afriyie
Mo nante yie
Na emom ɛyɛ a mo nkae me
Na monhyɛ me den
|
||||
7. |
SIKA NE BARIMA 1
04:27
|
|||
8. |
SIKA NE BARIMA 2
04:56
|
|||
9. |
OHIANIMGUASE
03:06
|
|||
Ohiani mɛyɛ deɛn
Mese mɛyɛ deɛn
Ohiani mɛyɛ deɛn
Na menye animguaseɛ
Yɛse sika yɛ adeɛ
Ɛyɛ adeɛ foforɔ
Nanso ohia asoma wo'ɔ
Ɛbɛyɛ deɛn na wonkorɔ...
Ohia yi nti ne m'animguaseɛ yi oo
***
birekuo mma resu
wɔn na rekɔpɛ aduane aba
akuruboɔ gu afuo n'ano
ama wɔaka nsensɛnmu...
ohia yɛ animguase
apentum
n'apesie nyɛ dɛ
ɛno na ɛsi gya so no
m'anni a mɛdi deɛn...
ohia yɛ animguase
mpataa aba fo
Mankesim dwa so
menyaa dwetire a,
nka mekɔfaa bi
nanso sikasɛm
bonwire kente
adwene-asa ne fatia
fata a ɛbɛfata me
hwɛ me ntomago
o' ohia yɛ animguase
akenkan ne atworɔ
na me nso metumi yɔ bi
ntoasoɔ sukuu yi
m'adwene duru mu paa
nanso sikasɛm
Bantama akrakuro
dɛdɛɛdɛ twintwann
ne hwua agye kurom yi
obiaa de bi repa n'anom
ohia yɛ animguase
****
ohia a ɔnnim abɔfra nnim ɔpanin
ohia a ɔhinta animuonyam
ohia a wɔamma adɔfoɔ ankyerɛ dɔ
ohia a ɔkata ahoɔfɛ so-ɔ
ohia yi nti ne m'animguaseɛ yi oo
|
||||
10. |
NYANSA
04:06
|
|||
rest in peace, Tɛpa Kuulio
megu so kae deɛ woyɛ maa me ten years ago
w'asɛm a daa woka, wose "let them say"
ɔdasani, ɔbɛka akɔka deɛ wobɛyɛ no 'kyena nyinaa aka ho
ɔbɛkɔ akɔka abɛka wo, wo a woretie mpo, enti twe woho
onipa akoma, yɛ no kama tesɛ Akan
ma no aduane pa; ɔdɔ, sika yɛ mogya
mogya yɛ akoma no gya a ɛma no dɛre
mogyaborosoɔ nso yɛ yareɛ
dwene ho
MMƆGUO (KO)
nyansa o, sua nyansa o
kɔ aboa ntatea nkyɛn na sua nyansa
(2x)
(Kpodo)
asaase yaa mɛgye nsa... tie
ɔba kwasea a woyɛ tofoantie, yɛtu wo fo tie
wo nana bɛtuu mmire
wo ne hwan bɛkyerɛ sie
aso a ɛntie asɛm kɔgya tire wɔ asamando
enti Shamo tie,
woansua nyansa a wobɛka akyire; Ata Kakra
brɛ nya nyansa, ɛnyɛ saa a kafra
(KB)
mfa woho nto obi so na ɔnsoo woho daeɛ mpo da
da na fa adwene
deɛ ɛdi kan
w'adamfo adeɛ nyɛ wo dea
enti dasebrɛ, wote kɔkɔɔkɔ a tetɛ mpoma mu ansana woabue pono
"ɔdɔ nyera fie kwan" ɛyɛ adinkra
ɛno nti sɛ wo ne Kwame di nkra a na yɛdɔ nsaae
deɛ ɛtɔ so mmeɛnsa, wote ase a, serɛ nyansa
(KO)
ɛna to wo fo a ɛyɛ a tie
agya kasa a menua tie
ɛmpere woho nkɔtu mmirika, abranteɛ yi
obi tu ne ba fo a ɛyɛ a tie bio o, menua ei
na mpaninfoɔ aka ato hɔ sɛ afutuo nsakyera onipa, gyesɛ nsɔhwɛ
nyansa yi aaa
yɛtu wo fo a tie ooo
nyansa yi aaa, menua ei
panin ho yɛ na, yɛtu wo fo a tie ooo
MMƆGUO (KO)
nyansa o, sua nyansa o
kɔ aboa ntatea nkyɛn na sua nyansa
(2x)
(KB)
Ata Panin, ɔse tuntum yɛ fitaa, tie nyansa
nya nyansa ansana woanya ahonyadeɛ
anyɛ saa a ne nyinaa bɛyera anwumerɛ
ɛba no saa a na wobrɛ ayɛ kwa
anadwo wo nna
ɛkɔm nso bɛkye wo ahomakye
enti anɔpapaa, wode patapaa bɛpue na emom wo nnya kyɛnse ntafere mu
deɛ ɔdi hɔ,
sɛ adeɛ nya kye wo a, ɛyɛ adwumaden
wo ara tu na wo ara sa, na ɔbra ne wo ara
Kwesi, ɛbɛyɛ kakra wo to a, ɛdɔm bɛsa
aane... to.... sa
kyerɛ sɛ, wo woso woto koraa a ɔmo bɛka sɛ wonim sa
deɛ ɛtɔ so nsia
woafa w'afofoforoafoforo a mfa mfa mmaa so
susu foro mpa
fa w'ahoɔden foro duapa na yɛmpia wo
mmaa deɛ sɛbe, yɛayɛ sɛ mango -
afe biara yɛbere
ɛnkyɛ nso na yɛagono
ɛno nti akɔkora ago no,
sɛ ɔnya sika kakra a ɔtumi ware ɔbabunu
abranteɛ, mma mmaa nte w'akoma nsan ntete wo bɔtɔ
deɛ ɛtɔ so nson,
akwantuo no obia'a deɛ da nso
ɛno nti Kwame Danso, sɛ wobrɛ a gye w'ahome
ɛfiri sɛ Kwame Brɛnya, me mpo sɛ mebrɛ a, megye m'ahome
|
||||
11. |
ƆBRA
05:07
|
|||
ɔbra ɔbra
ɔbra ne deɛ wo ara woabɔ oo (4X)
VERSE 1
ɔbra a yɛɛbɔ yi yɛ nsɔhwɛ a
woanhwɛ so yie a na ohia ahyɛ wo so
deɛ ɛsii nnora ne nnora akyi yɛ nhwɛsoɔ a
yɛde mu mfomsoɔ adane yɛmfasoɔ
ɔpaso a ɔde apasoɔ ɛɛpa nwomasoɔ
ɛnyɛ n’anom dɛ, na ɔkyena ntenasoɔ
ɛnnɛ yɛ ɔkyena no a wokaa no nnora no
sɛ wobɛsi fie na woadane fiewura no
afei adeɛ akye nanso woadane sumiyɛ nnuraho
ɛna wogu mpa mu
wo mfɛfoɔ gu mpo ano
sɔre kɔ adwuma na dwuma nkum nnipa
yɛtia nsufi mu, sɛbe,
na yɛakɔsa nsu papa
ebia woakatua, twɔtwɔpoa, sempoa
adum aborosan sɛ ɛnyɛ dakoro adwuma
nkakrankakra, anwea, mortar
odum 2 by 4, efo carpenter
yɛbɔ so, paint…
woopɛ ho agyina atwa mfonin
wo foto yi ɛɛfɛ o,
ɛnyɛ w’anim, w’akyi
kae dabi na ohia ho ahi
CHORUS
ɔbra ɔbra
ɔbra ne deɛ wo ara woabɔ oo (4X)
HOOK
Hmmm… ɔbra yi
Obi mmɔ mma obi
ɔdasani ne ɔbra yi
sɛ ɛbɛyɛ yie a ɛto gye wo a’a
VERSE 2
Ghana asikafoɔ wotɔ so sɛn
Ebia wokrom, anaa w’abusua mu
Sɛ asɛm ba, yɛɛpɛ mmarima a yɛfrɛ wo?
Sɛ ayie ba, yɛhia sika a yɛsrɛ wo
Wo wofaasefoɔ rekɔ sukuu a wɔbɛkra wo?
Woase Kofi Apea, ɔtaa bɛsra wo?
Sɛ wonyiano de ma weinom yɛ dabi deɛ a,
Na ɛneɛ fa woho adwene na wooyɛ aka akyi
Dabiaa kwankwanuase na wooto dame
Wosunsum fiedie, te kwakwa, kɔ akorɔma
Woato ama wo nsa ano,
Ayɛ den sɛ adoee to
ɛnso olympic games yɛnto dame
ɛkaa me nko a’a deɛ a nka yɛnye asaase
yɛnnɔ, mpam, nhye
yɛnya ho adaagye
yɛnnua kookoo na yɛmfa bankye mfa ase
mmerɛ no rekɔ
awia no rebɔ
yɛmmɔ yɛdan so ansana nsuo atɔ
sɛ yɛɛgyae akwadworɔ
na yɛagyae nsaborɔ
nka ɔbra no bɛyɛ dɛ tesɛ mɔnkɔ
nkɔ na ɔkɔ
ɔnni n’adwene so
n’adwene te ne so tesɛ polo pɔnkɔ
na wo koraa wonyɛ akɔraa
wotiri ho nyinaa ayɛ sɛ koraa
braa, dwene wokra ho
wokraa wo nyame sɛ woobɛbɔ bra
CHORUS
ɔbra ɔbra
ɔbra ne deɛ wo ara woabɔ oo (4X)
|
||||
12. |
KWANTINFI
05:17
|
|||
Ɔbra a meebɔ no yɛ ɔkwan a me'etuo.
Ɛyɛ adwene mu na meekɔ no na ɛnyɛ anantuo
Mehia nyansa sene atuduro akyi akokoɔduro
Enti sɛ wo ntumi ne me nkɔ nkɔduru a, kɔtɔkurodu,
Wo ama m'ahunu sɛ ɛnyɛ wonua ne me mmɔborɔ.
Menso Mede me mɔborɔ ...mɛkɔso adi m'agorɔ.
Mehyira wo kosɛkosɛ.....
Kwantinfi Yɔnkoɔ
yɛn nkɔ na kɔgya me a wɔagyae me asi asuogya.
Animguaseɛ baayuɔse ɔnnim me
animuonyam baayɛ a ɔ'frɛ me nenua.
Hhmmm..saa na ɔdasani teɛ
**Adwea
Dɛm aa na ɔte
Bɔkɔɔ
**Mmmmmm
Ayeeeee
CHORUS
Yiee ɔkwantinfi yɔnkoɔ yi
yɛn nkɔ n'kɔgya me a wɔagyae me asi asuogya.
Animguaseɛ baayɛ ɔse ɔnnim me
animuonyam baayɛ a ɔ'frɛ me nenua
Na me dwene sɛ, ɔyɔnkoɔ ne me bɛkɔ
Yɛɛhare kodoɔ wɔ ɔdɔ mu de atwa ɛpo kɔkɔɔ
Yɛɛto abasakɔnmu de aforo abrabɔ bepɔ
Metɔɔ fam na ɔtɔfoɔ tɔɔ pɔnkɔ
kwantinfi yɔnkoɔ, ɔkɔ
Abranteɛ bi se me nyɛ adwuma,
enti ɔntumi ne me nnante
Me na meeseɛ sɛ m'awie sukuu,
Adɛn na me nkɔyɛ krakye...
Krakye, wohyɛɛ nwomtoɔ ase na Eno yɛ abaayewa
Woayɛ, ayɛ, ayɛ a'a nso Tɛpa ha yi a'a na wo tetɛ
Wo dwom yɛ sinapi aba koraa a, sɛ nka afefɛ
Afei adamfoɔ refiri fie a, ɔmfrɛ me
Ɔtee sɛ AKƆM yɛ nsɛnkyerɛne na ɔrehwehwɛ me
Ahwehwɛ; woabɔ me awie, wo nnya me bio
M'ayɛ onyame.
M'anya animuonyam
M'anya animuonyam
M'anya animuonyam
Kwantinfi yɔnkoɔ.
Firi me do na kɔ
CHORUS
Yiee ɔkwantinfi yɔnkoɔ yi
yɛn nkɔ n'kɔgya me a wɔagyae me asi asuogya.
Animguaseɛ baayɛ ɔse ɔnnim me
animuonyam baayɛ a ɔ'frɛ me nenua
Me dɔfo tie bi ɛe,
Sɛ wo nya si agyina sɛ woafa obi yɔnkoɔ
Ɛno no nyɛ ko, nkɔsi deɛ mookorɔ.
Ɛnyɛ woho sɛ deɛ ɛɛdɛ ba a ɔyɛ wo nua
Na sɛ neho kyere no a woayi no ama.
Obi nnim daakye asɛm
Obi nnim ɔbrempɔn ahyɛaseɛ
Enti ɛntoto obibiara ase.
Kwame Brenya, m'ano atɔ.
|
||||
13. |
DADA
02:03
|
|||
Kwame kwame kwame kwame….
Na hwan na moofrɛ no
Hwan na moohwehwɛ no
Kwame foforɔ yi
Anaa kwame dada no
Kwame foforɔ na ‘wɔ ha
Kwame dada deɛ wɔada
Monim dada, ɔpuee dadaada, ɔbaae na obia’a ada
ɔba nso a kasa, ɛyɛ saa a na obia’a adwa
ne mfɛfoɔ retwa video no ɔno deɛ blade na ɔtwa
kwame dada se ɔyɛ too much a rapper nso ɔde ayɛ nsa; 2 cups a drunkard
wɔagye ne din kakra ɛyɛ no sɛ asa
ne show a ɔyɛɛ no 09 n’awoda
ntɔkwa no akyi, still na akye
me mane wo kra asomdwoeɛ tɛpa kuulio
ɛnyɛ wo a nka kwame abɔ ka
w’adaworoma, kwame dada ɛ’daadaa ne ho
kwame dada se boys boys na’gye n’ani
ɛnso boys de awɔ n’ani
afei ɔse n’ani ate nti wɔasesa ne nanteɛ
ɔne boys nkoaa na’bɛ nante
ɛfiri sɛ boys akyerɛ dɔ
kwame dada atwa boys bebree abɔ
kwame dada ahyɛ boys bebree bɔ
kwame dada kyerɛɛ girls bebree dɔ
kwame dada dii girls bebree hwamɔ
deɛ ɔdiiɛ a ɔkaa sɛ ɛnyɛ dɛ
nea ɔdiiɛ a ɔkaa sɛ ɔmpɛ
nea ɔgyee animguaseɛ maa no
nea ɔguu n’anim ase
who never fɔk up
kwame dada too fɔk up enti mo mfa nkyɛ no
ɔdɔ a na mo wɔ ma kwame dada no
mo mmɔ ho mprɛnsa mfa mma me
ɔtan a na mo wɔ de ma kwame dada no,
mo mmɔ ho mprɛnsa mfa ma mo maame
|
||||
14. |
DIDI
03:35
|
|||
didi bongi (a-bongi)
didi sorgi (a-sorgi)
didi fangi (a-fangi)
didi kwame
VERSE 1
di bi kwame
didi kwame
sɛ aduane bi yɛ wo dɛ a di bi kwame
we bi kwame
wewe bi kwame
sɛ wo nsa ka nsa a we bi kwame
na emom susu kwame
to susu kwame
sɛ wo nsa ka sika a sie bi kwame
ma bi kwame
fa bi kyɛ kwame
sɛ wo nsa ka sika a ma wo maame
didi bongi (a-bongi)
didi sorgi (a-sorgi)
didi fangi (a-fangi)
didi kwame
VERSE 2
sɔ bi kwame
sosɔ bi kwame
sɛ nhyira nsuo retɔ a sɔ bi kwame
tɔ bi kwame
totɔ bi kwame
sɛ wohunu afɛɛfɛdeɛ a tɔ bi kwame
dɔ bi kwame
dodɔ bi kwame
sɛ wonya wo dɔfo a twa w'ayaase
to bi krakye
toto bi maame
sɛ me nwom yi yɛ wo dɛ a to bi ma me
didi bongi (a-bongi)
didi sorgi (a-sorgi)
didi fangi (a-fangi)
didi kwame
|
||||
15. |
BRƐNYA NE BARIMA
03:15
|
|||
akwadworɔ yɛmpɛ
aniha yɛmpɛ
yɛɛberɛ na yɛanya
brɛnya ne barima
korɔno yɛmpɛ
kwantia yɛmpɛ
yɛɛberɛ na yɛanya
brɛnya ne barima
brɛnya ne barima (8X)
VERSE
sɛ woammerɛ na wonya a wobɛberɛ, menua brɛnya ne barima
ɛɛhye a na ɛɛdɛ, ɛhye wo mene mu a na ayɛ dedɛɛdedɛɛ wɔ wo yam
mma woyam nhyehye wo, ɛyɛ abrabɔ. ɔbrɛ a bɔhyɛ hyɛ mu
yɛnsuro adwumaden esiane sɛ yɛnkyiri anumdɛ
yɛnsuro mfifire esiane sɛ yɛnkyiri asikyire
Akwasi Agyei, ɔse sɛ woannya ahoɔfɛ a pɛ ahoɔden
Agyei korɔ yiaa, mmotia faa no wɔ nwuramu berɛ a ɔyɛɛ asoɔden
asoɔden boɔ ɛɛden kyɛne adwumaden enti Kofi Nti sɛ ɔɔdidi ne ntini ho
ɔbra a nyansa wɔ mu: Brɛnya
yɛɛberɛ na yɛanya nti no sɛ yɛnnyaae a yɛnnyaee
sɛ baabiaa nwooe a, yɛnyaae yɛ
me se Kofi Amanor, medaase. Ɔse kwame Owusu woafiri yie
na emom no BRƐNYA
|
KWAME BRENYA Accra, Ghana
AKƆM: The manifestation of God through MUSIC, POETRY, STORYTELLING and DRAMA.
Streaming and Download help
If you like KWAME BRENYA, you may also like:
Bandcamp Daily your guide to the world of Bandcamp